Ex-DOTC chief Leandro Mendoza pumanaw na

MANILA, Philippines – Pumanaw na si dating Department of Transportation and Communications (DOTC) Secretary Leandro Mendoza ngayong Lunes sa edad na 67.

Inatake sa puso ang dati ring hepe ng Philippine National Police kaninang madaling araw sa isang ospital sa Taguig City.

Nagsilbi rin bilang Executive Secretary noong panahon ni dating Pangulong Gloria Macapagal-Arroyo.

Si DOTC Undersecretary Thompson Lantion ang nagkumpirma nang pagkamatay ni Mendoza.

Matatandaan na noong nakaraang taon ay hinimatay si Mendoza habang ipinagdiriwang ang kanyang kaarawan sa Batangas.

Ibuburol ang mga labi ni Mendoza sa Heritage Park sa Taguig.

Noong nakaraang taon din ay idinawit ang dating kalihim sa maanomalyang NBN-ZTE deal at ipinaaresto ng 4th division ng Sandiganbayan.