Facebook Right!

Happy Sunday! Halos tanan nato karon naay Facebook. Matod pa sa usa ka pagtuon, nine out of 10 ang aktibo ug naay account sa FB. Pero unsa may mga saktong pamatasan nga dapat nato mahibaw-an sa paggamit niini? Aniay lista nga akong nahipos human sa akong pagdukiduki:

1. Ayaw pag- accept og friend request sa wala ka kaila. Ang FB dili padaghanay og amiga, mao nga dawata lamang ang mga friend requests sa mga tawo nga amiga gyud nimo. Para kini sa imong kaluwasan ug malikayan ang  mga dili maayong panghitabo.

2. Gamita ang pagmensahe sa pribadong pamaagi kung kinahanglan. Naay mga butang nga dili maayo i-post ug makita sa publiko. Komento man kini nga sensitibo, o ba kaha pribadong mga butang pareha sa cellphone number, email, asa mo magkita ug uban pa.

3. Gamita ang saktong spelling, grammar ug punctuation. Para masabtan sa tanan, mas maayo nga gamiton nimo ang kumpleto ug sakto nga spelling (ayaw’ng jejemon) ug dapat masabtan ang buot pasabot nimong mensahe.

4. Ayaw pataka og tag ug post og pictures ug video kung wa ka nananghid sa mga natungdan niana. Likayi ang away ug dili panagsabtanay sa dili pagpataka og tag nga wala ka nananghid. Dapat pahibaw-on nimo una ang tawo nga apil sa picture o video.

5. Gamita imong tinuod nga pangalan ug tinuod nga picture as profile pic. Ang rason kung nganong naay FB kay para maka contact ug reconnect 'ta sa atong mga higala, mao na mas maayo gyud kung mogamit ka sa imong tinuod pangalan ug dili kita mangalyas. Para sa imong profile photo, likayi ang paggamit og nawong sa ubang tawo, artista, personalidad, tanom, bukid ug uban pa nga dili ikaw.

Pangutana para kang Anna? Ipadala kana, uban sa imong ngalan ug address ngadto sa: 0939-131-6599. Kutob lamang sa 9am karong adlawa (September 29) ang pagdawat nato sa inyong mga mensahe busa text dayon.