Dili tinuod ang monster El Niño?

Kong adunay nabalaka sa epekto sa Super El Niño aduna usay nangatawa ug nagbugalbugal kay dili lagi kuno tinuod kini ug mugna lang ang estorya sa uban. Moingon sila nga nganong El Niño man nga sige man gani og ulan sige pa gyud og baha ug naa pay pagdahili sa yuta.

Sa akong mga El Niño-related content daghan gyud og laugh emojis. Daghan bashing kay mura kuno og false prophet nga magtagna tagna sa umaabot nga panahon.

Ang weather forecast adunay gisubay nga pattern gamit ang ang mga hightech nga kagamitan ug mabasa na nila ang posibleng mahitabo sa umaabot nga panahon, dili sa katakos sa usa ka mananagna kon dili gamit ang scientific nga pagtuon.

Kini ang dili masabtan sa mga tawo nga motuo lang kong naa silay makita ug mabatyagan o ang gitawag nga “to see is to believe” nga kinaiya. Maayo unta kong maghilom nalang apan sila pa ang manaway.

Sama sa estorya sa Arka ni Noe nga gikataw-an ug gibugalbugalan siya nganong naghimo og arka sa ibabaw sa bukid ug hilabihan man kainit sa panahon. Pareha ani sa gihimo sa mga tawo nga gipakagamay ang warning sa katalagman.

Maayo gani na sa layo pa gipapangandam nang daan ang katawhan pero inay mangandam, gipakagamay naman hinoon kini.

Pasalamat kita nga wala pa kaayo nato natagamtaman qng kabangin sa el niño karon, duna pa kitay igong panahon nga mag-am.

Pero gipalapos lang sa pikas dunggaj ang paghimangno gikan sa mga experto.

Naay nagkomento sa akong mga El Niño post nga halos personal na kaayo pero ako ra nga gipasagdan ug gibaslan sa pag ingon nga dili lang ma-bored nga wala pa magparamdam ang super Ek Niño kay sa madugay ug sa madali moabot ka kini, ug sa inig abot na niya hinaut nakapangandam ba ka.

Ayaw hagita ang panahon ug ang kinaiyahan kay dili gyud kq kalupig.

Mas maayo nga sa pagkakaron pa lang nakapangandam nang daan dili huwaton nga wala nay madawdaw nga tubig kay nangliki na ang mga tinubdan sa tubig.

Kong dili tinood ang super el niño aw mas maayo apan kong tinood gyud mas labaw pa nga maayo alang sa mga tawong kuwang og isa ka pakong sa ulo nga lihay kaayo og pangutok.

Kong kamo dili motuo sa El Niño pagsolo mo ayaw mo pangayo og tabang ni bisan kinsa apil sa kagamhanan.

Kadto ra ba mga babaon kaayo mao ta kadto ang motiyabaw dayon ug mangayo dayon og ayuda sa kagamhanan.