Lao nidominar sa BTA

Si Kim Lao nilansang og back-to-back nga kadaogan sa Bowlingplex Tenpin Association (BTA) Monthly Bowling Tournament aron pagdominar sa June edition didto sa Gaisano Bowlingplex sa Barangay Banilad,ning dakbayan.

Si Lao nakatigom og 1,680 pinfalls aron paglaksi sa korona. Iya pang napun-an ang iyang  output sa eight-game series sa miaging Mayo ngadto sa 76 pinfalls.

Si Lao nilaksi sa titulo dihang iyang gibuntog si Bette Goyoco.

Si Goyoco nadakin-as sa second place dala ang 1,548 pins og gisundan ni Celi Adolfo nga dunay 1,522.

Samtang si Germaine U niloklok sa ikaupat nga dunay 1,476 pinfalls dihang iyang napuhalan si Xyrra Cabusas, ang third placer sa buwan sa Mayo, kinsa nitapos sa ikalima ning higayona bitbit ang 1,412.