Gabbi ug Xian sa MUPh

CEBU, Philippines — Sila si Gabbi Garcia ug Xian Lim  ang mo-host sa coronation night sa  Miss Universe Philippines karong Mayo  2, 2025, sa SM Mall of Asia Arena. Kahinumdoman nga si Gabbi usab ang host sa maong indigay sa niaging tuig kauban si Alden Richards.

Baby no. 2

Nagsabak   si Coleen Garcia alang sa ikaduhang anak nila ni Billy Crawford.  Gipakita ni Coleen ang iyang baby bump sa iyang latest Instagram post. "Round 2, let's go!" suma pa ni Coleen.

Dustin nahigugma kang Bianca

Gitug-an na gyud ni Dustin Yu ang iyang pagbati ngadto kang  Bianca De Vera.   Ang maong rebelasyon kay gipakita  sa niaging gabii nga episode sa  "Pinoy Big Brother: Celebrity Collab Edition". "I guess wala naman akong choice kasi basta, kailangan ko na ring sabihin sa 'yo. Obviously, gusto kita," mensahe ni  Dustin ngadto kang Bianca. 

Shuvee ug Xyriel misulod sa PBB

Kompleto na ang  housemates sa  "Pinoy Big Brother: Celebrity Collab Edition" human nisulod bag-ohay sa  maong reality show sila si  Shuvee Etrata ug  Xyriel Manaba .

Gipaila-ila ang duha isip  "Ang Island Ate ng Cebu" ( Shuvee ) ug  "Ang Golden Anaktres ng Rizal" (Xyriel).

Ang Sugbuanon nga si Shuvee  kay   segment host sa "Unang Hirit" ug nahimong kabahin sa Sparkle 10 ladies nga gilusad niadtong 2024.

 Naihan usab  si Xyriel isip kanhi child star ug nahimong bida sa pipila ka mga teleserye nga sama sa  "Momay," "100 Days To Heaven," ug uban pa.  

Latest single ni jen, gihangop dayon

Sukad gi-release sa niaging  adlaw,   gihangop dayon sa music lovers  ang latest single ni  Jennylyn Mercado nga ubos sa Star Music sa ABS-CBN.

“Sobrang nakakakilig. Sa wakas! One year in the making din itong album pero super worth the wait!” suma pa ni  Jennylyn.

Ang latest single ni Jennylyn nga “Ayaw Pang Umuwi,”  kay madungog sa nagkalain-laing  music streaming platforms.

Gisulat kini ni  Trisha Denise ug ang   produksyon gidumala ni ABS-CBN Music creatives, content, and operations head Jonathan Manalo. “Noong una, 'di ako sure if bagay ba sakin yung kanta kasi sobrang iba yung vibe nya sa mga nagawa ko before. Medyo cutesy ito tapos medyo bagets! Pero syempre, buo ang tiwala ko kina Sir Jonathan at Sir Roxy. Alam kong di nila ako papabayaan and I am in good hands,” ni  Jen pa.

Bassist sa December Avenue nanamilit sa grupo

Gibutyag sa bassist sa   December Avenue nga si   Don Gregorio nga nibiya na siya  sa iyang grupo   gumikan kay mo-focus siya sa iyang pamilya. 

"After 17 years of being the bassist of December Avenue, I've decided to step away from the band to focus on my growing family.

It wasn't an easy decision, but I know it's time for me to be fully present for my wife and our kids,” matud pa ni Don.

Mapasalamaton siya sa iyang mga kaubanan  sa December Avenue ug sa  ilang fans.

 "Suportahan niyo pa rin ang December Avenue. They're not just my band--they're my brothers. And they've still got more to share with all of you,” niya pa.  

Ice Almeria, champion sa "time to dance"

Si  Ice Almeria ang labing unang  grand champion sa  reality dance competition sa  ABS-CBN ug  Nathan Studios nga "Time To Dance".

Gipildi ni  Ice ang ubang  dance contenders nga sila si  Kenneth Martinez, Emman Napari, Cherry Tolentino, Paulo Capuz, ug  Julian Villegas .

Ang Dance Council atol sa  grand finale kay gilangkoban nila ni  Streetboys member ug  It’s Showtime host Vhong Navarro, Director sa  World of Dance Philippines Vimi Rivera, World of Dance PH finalist Ken San Jose, Artistic Director sa  Padyak PH Von Asilo, UPeepz Founder Chips Beltran, A-Team Coach MJ Arda, ug  Artistic Director sa  Philippine Allstars Lema Diaz.