Damgo sa Edukasyon

City Central School        

Cebu City Division

Dibuho ni Ramon Taguchi

Bul-og sa baha inubanan sa  gapnod sa lapyahan,

Ikaanggid sa unos ug bagyo ang natagamtaman

Kapait handumon ang nanglabay’ng panahon

Dili matukib sa pulong ang kalisud nga nahiaguman,

Tungod si Inday ug si  Dodong adunay ambisyon,

Ug hataas kinig  pangandoy ug determinasyon,

Gibuhat ang  tanan aron damgo naay katumanan;

Dili igsapayan ang  mga kalisdanan nga giagian.

Mga kabatan-unan angay ninyong hinuktukan,

Kay kini hagit lamang padulong sa kauswagan;

Edukasyon unahon kay sa panginabuhi gamiton.

Ug ang katilingban madasigon ug malambuon.

Dili matukib sa pulong  kalipay ang mabatyagan,

Damgo sa edukasyon sa kaulahian matuman;

Sa pamilya kini magsimbolo ug  kabulahanan;

Si Inday ug Dodong aduna nay panginabuhian.