Hain Ka Na?

Suweldo, suholan,

Hain ka naman.

Dugay na akong nagpaabot,

Hinaut, ako na ikaw makab-ot.

Kay ting bayad na sa mga utang,

Ug sa mga napalit nakong mga butang.

Nga angay nakong bayaran,

Kay kun dili magtingkagol unya sa bilanggoan.

Mga balayranan sa loan, five-six ug lending,

Sa dili madugay mabayran na ug makahiklin.

Kay kini mga obligasyon,

Nga dili mahimo nga daganan.

Apan usahay maabtan sa ting hunas,

Wa gyuy madawdaw aron ikapalit og bugas.

Nagpasulabi og waldas sa salapi,

Umaabot nga mga adlaw gipakawalay bili.

Nan, maoy nahimong sangputanan,

Nga magdaginot aron dili magutman.

Kay lisud og mapuno sa utang,

Mga balayranan nga dili na unya matabang.

Maayo lang kadtong adunay credit card nga ikabagnos,

Kay sila dili bation og kalunos.

Apan sama natong kadaghanan,

Ila gihapon kining bayran human mapahimuslan.

O suweldo! Suweldo!

Gikalipay ko ang pag-abot mo.

Dili nako malisang tungod kay,

Impas, tanang utang!