Maluibon 95.5 Star FM Cebu

Wangiga ug suway ang imong galamhan.

Aron,mautingkay nimo ang akong kabililhon.

Diin gipugsan ko'g kasilag ang akong kahiubos.

Kay nagluib kaman.

Sa tikasan mong gugma, nakigpusta.

Namasin, nga mudaug sa sultada.

Apan, diskasi lang intawn ang naani.

Kay nagluib kaman.

Isudya unta kanimo sa langit.

Katong bul-og sa tamparus, diin

Midanguynguy ang mga panganod.

Kay nagluib kaman.

Aw, itagik ko nalang sa balak.

Kay dili magluib ang mga pulong.

Kaysa,imudmud ko kanimo ang tam-is,

apan magduhiraw lang unyang pagbati.

Kay magluib kaman.