Kahoy ug iyang Bunga

Kahoy ug iyang Bunga

bisan unsa kadaghan sa gihatag

nga bunga sa usa ka kahoy,

mapili gyud asa ang maayung binhi

ug makita ang mga pyasot

sa ilang pagkahinug,

hinay-hinay silang mubiya sa ilang punuan;

adunay muturuk lang sa haduol,

adunay dad-un sa kalanggaman,

adunay maadunahan kay

gibutang gyud sa pottingngan

ang mga pyasot mahisagol sa barikutot

ug kasagaran magpabilin sa tiilan sa kahoy

ug magpaabot sa mga ulod nga husgahan

ug ang punuan, magpabiling magbarog

uban sa pagpaabot sa pagkalaya sa katuigan,

sa pagkalunus sa mga sanga,

sa pagkagabok sa punuan,

ug sa pagkalarag sa mga kadahunan.

— Ni Geronima Familgan

Argao, Cebu