Sa Imong Pagtalikod

Sa makausa pa ato na pud gisagubang ang susama nga problema

Ikaw kanako gabalik-balik og pangutana, ngano ug naunsa?

Apan ako nagpakahilom ug lahi ang gipakita , ikaw gaduda

Dihang gikamay mo ko aron makig- istorya, ikaw nabalaka...

Gusto ba gayud nimo nga akong litukon

Ang mga kasakit pinaagi sa nindot nga mga pulong

Aron matagbaw ka sa imong kauhaw, apan ako nalang ihunghong

Kay di ko buot masabtan mo akong dughan nga galuom-luom...

Lisod kining pagbati kong dili maoy naandan

Dili maayong mamahimo nga sumbanan sa kabatan- unan

Law- ay nga talan- awon ug binuhatan alang sa katilingban

Mao ako nalang kining paningkamutang talikdan ug kalimtan...

Dugay-dugay ko na kining giantos ang pagbati ko alang kanimo

Dili ko na maihap ang mga pamarayeg nga lingion ug panggaon mo ako

Apan gipasagdan ko lang, ako gapabaya gugma ko mitubo pag-ayo

Nanggamot , nanahon ug namunga dulot sa bukog nga sakripisyo...

Karun mipalayo ka na kanako ug dili na tika makita bisan sa unahan

Wala na usab ako kahibalo asa pa ako padulong sa akong dalan

Kay tanan nga atong kagahapon, kinuptanan ug handumanan

Sa imong pagtalikod, milupad na ngadto sa panganod sa kahanginan...