Elehiya Alang Sa Kalanggaman

Elehiya Alang Sa Kalanggaman

Ni RAUL M. FIGUES

Looc, Oslob, Cebu

Didto’s kawalaan; gihaya

ang buhi pang mga berso

nga ampay’ng awiton sa

lumadnong kalanggaman.

Duyog sa obituwaryo,

mikuyog ang dalugdog

sa pagdahik didto’s hingtungdan

apan daling miapas ang kilat

sa kalangitan— gidagkotan

ang mga kandilang giugbok

sa mga biniyaan.

Dagsang ang mga mananabtang pak- an

nag- alirong, nagkahiusang gipanday

ang gusbat nga kabiling pugaran...

Alang unya sa pagkunsad sa mitaliwang pinulongan.