Kung ang ulan mangatagak
Akong madungog ang iyang pagpangahagbong ibabaw sa atop
Sa iyang pagpangahulog
Lunhaw’ng handumanan sa kagahapon
Nga nanaglumba’g pamalik sa akong panumduman
Ug ang mga luha misugod sa pagdagayday…
Ang mga handumanan tali natong duha sa atong pagpanaw
Latas sa gingharian nga wa’y katapusan
Sa dihang akong nahunahuna nga kini dili matapos
Sa kalit imo akong gitalikdan
Uban kanimo, imong gidala ang kahayag sa adlaw
Ako’ng imong tinalikdan uban sa ulan…
Tik, tok, tik, tok….
Kung ang ulan mangatagak
Sa akong kagustohan
Pero ako nasayod
Nga ikaw dili na gayod
Mobalik pa