Hutohot sa pangilaba

Ngano kahang gipakatawo mang timawa

kon sa langit tataw’ng dunay nagpangga

gipanalanginan man kaha kita’g giamuma

apan nganong tawo daw irong way tag-iya?

Sala kuno kon atong ipangutana nganong

daw bungol Siya sa atong mga pangaliya

sayop ba diay nga kita magpakisayod

nganong ni’ng kalibotana kita gihatod?

Tugoti daw balod ang among pangandoy

mokabya sa lapyahan sa Iyang himaya

tugoti daw balod ang among pangindahay

sa Iyang dughan mosalibo’g molukmay.