Dili na hinungdanon kon bato
o liso sa sandiya ang gihakop
sa atong mga palad.
Basta, di lang intawn ka manikas
kay hagbay rang parehas
ang atong mga yutang-sakop.
Kanang naa sa wala kay imoha.
Kining naa sa tuo kay akoa.
Ug taliwala sa pagsugod
sa atong panagduwa,
di gyod nako makab-ot
ang imong kamot.
Apan magka-abot man pod ta,
magsugat ang atong mga kamot
inig subay nako sa wala.
Ug ang balaod niini, ang bugtong
saksi sa atong paghiusa.