Pagkahimatngon (alang sa mga biktima sa masaker sa Maguindanao)

Sige, ilubong na sila og dali sa yuta.

Dalia kay mangalisbo baya ang hustisya.

Apan sa sunod nimong pagkahimatngon,

dagiton ka nila didto sa ilang kamatayon.

Ipahinumdom nila ang ilang mga hulagway

ug kon giunsa nimo sila pagpatay .

Bisan pa managbuwag ang imong panan-aw,

magpabilin sila dinha sa imong kalimutaw.

Ug sa imong handurawan, bisan asa sila manurok

hangtud ka mokulikot, mokipus ug di na kalihok.