Sila ang gisapupo sa mga magsusulat:
sa mga salingsing niini dunay puydeng mobarog
nga usaranhon; ang uban daw si Adan sa karaang
paraiso— nangaplag kang Eba aron mahingpit ang
katumanan sa pulong; duna say nalit- ag—nahaylo’g
naulipon sa nagpakaaron- ingnong alagad sa arte... alaot!
ang kadaghanan nagdamgong—mahilakip man lang—-
mahitupad sa ilang mga igsuong gihimalarang
moggitib atol sa bathalan- ong tigom sa pagpadayag.
samtang ang nahibilin naghulat intawon sa kuling
panahon nga pilion, umolon, tukbon sila inigpangayam
sa henyo ( kon nalisoan ) nga magbabalak.
dalaygon kadtong mga letrang giibgan, gipahimuslan,
gipanamkonan sa mga maalamon— nahimugso ang
liwat nga way kamatayon.