Pamasin

May hilanat ang pulso sa tinguha-namasin ako nga hunaran sa mga santos ug santa sa pag-antos. Hagbay ko pang gitisok ang liso sa paglaom diin ang teknolohiya gihimo kong taming sa tun-og sa kagabhion sa akong pagbugtaw sa gipangandoy nga bulawan. Praise the Lord! Pagkataas sa langit nga bisan  ang paghawid usa ka dakong hagit. Maayo pa ang makililimos malipayon nga nagyaka sa abugong aseras sa Colon. Pinangga niya

ang tayaong lata sa sardines sa iyang atubangan. Namasin nga may pagkaon siyang mahagdaw dinhi. Didto sa unahan, ang  bukugong mga tudlo nangutingkay sa salin nga pansit ug puso sa gilangaw nga pansit ug puso sa gilangaw nga basurahan. Samtang

ang babayeng buang nakatawa nga naghangad sa taas nga edipisyo -- gustong makig-indig sa kahabog.