Pag-asdang

Tugoti ayaw nga malubong sa tunaan sa kalimot ang mga nahitabo.
Mainiton tang sugaton ang pagkamang sa kaadlawon.

 
Oo, nahinanok kita pero bugtawon kita ni Lapu Lapu.
Siya ang atong abyan sa pag-asdang.

Hinuklogan ta ang kagahapon nga migapos kanato.

Maisog tang taakon ang dugong mibanaw nga kanhi naghugaw-hugaw sa atong
kalikopan.

Bairon ta ang lingig sa atong katuyoan inig
Lili ni Haring Adlaw sa sayong kabuntagon.

Manghinaut nga banwagan kita sa pagpamasibas sa iyang
Bidlisiw.
Panahon na sa Pagbansay-bansay

Manikaysikay ta.

Kuykoyon ta ang mga kabilin nga hinagiban.
Kita ang molamdag sa madulom tang kasaysayan.

Dili kini angay nga samaran pa.
Labaw nga dili kini angay nga masubli pa.

Maghiusa kita.

Kitang tanan adunay kalabutan sa paghimo og bag-ong katilingban.
Ang pag-umol niini nanginahanglan og undanong pakigbisog
Aron makalingkawas kita sa tanikalang banyaga.