Ang Ika-102 Adlaw'ng Kasumaran Ni Anhing

(Donya Inday Pining R. Gullas)

Mahal namong Inday Pining R. Gullas, malipayong kasumaran
Ning ika-102 mong adlaw'ng natawhan.
Bisan sa imo na karong pagtaliwan,
Sa kanunay sa mga pag-ampo, ikaw among gihalaran!

Daw sa dili pa lang gayod dugay,
Kanamo ikaw, Inday Pining R. Gullas, nakig-abay:
Kalihokan sa simbahan, madako o magamay,
Pagpanginano mo naa gayod kanunay.

Dili, Inday Pining, bisan kanus-a ang kalumo mo mapalong;
Kaniadtong mga panahon nga bisan kinsa kanimo mopasilong,
Abli ka kanunay sa pag-alima,
Kay hupong ka man nianang Langitnong Gugma!

Wa'y pagpaka-aron ingnon ang imong pamayhon;
Mosinta ka dayon sa mga tawong palabi-labihon,
Kina-iya mo kanunay ang pagkamaloloy-on,
Labi na sa mga tawo'ng matinud-anon.

Ikaw, Inday Pining, sa kanunay kanhi ang dalangpanan
Ning mga kapunungan sa simbahan.
Busa, hangtod karon, buhi ka'ng sumbanan,
Ni bisan kinsa kanhi imong naka-uban.

Salamat sa Ginoo nga ang imo kanhing Kristohanong pagmatuto,
Maoy among buhing taming ug ehemplo
Ning amo karong Kristohanong pagserbisyo,
Nga unta magpadayon kami sa way liko-liko.

Ug dako kaayo namong pasalamat sa Kahitas-an,
Ning mga anak mong mapanginanohon ug buotan,
Sila si Congressman Eddie, Pres. Dodong Gullas uban sa buotang mga anak ug solondong mga kapikas,
Mapanginanohon kaayo sa kalihokan sa simbahan nga wa'y pagkupas!

Kanimo pinanggang Inday Pining R. Gullas,
Hangtod sa hangtod mga pag-ampo alang kanimo way paghubas,
Uban na niini ang kapikas mong si anhing Don Vicente Gullas,
Nga sama kanimo kasingkasing usab timgas.

Mahal namong Nyora Inday Pining R. Gullas,
Malipayong ika-102 adlaw mong kasumaran!
Ug mga panghina-ut nga anaa kana sa Diyosnong kiliran,
Uban ni Ma. Santisima Inahang Bulahan.

Pahulay'ng dayon, Inday Pining R. Gullas.
Ma-imo na unta ang himayang way katapusan diha sa Langitnong Amahan
Uban ni Sr. San Jose ug ni Ma. Santisima!