One night stand ni DJ Mo ug Joyce Jimenez

Giangkon ni DJ Mo Twister nga nadulog niya og usa ka gabii ang Pantasya ng Bayan nga si Joyce Jimenez, apan giklaro niya nga dugay na kaayo kadtong nahitabo dungan sa pagpanghinaot nga wala unta naminaw niadtong Miyerkules sa hapon ang sexy aktres.

Nasayran sa Banat Hugyaw nga nahibalik na si DJ Mo gikan sa duha ka semana nga bakasyon sa United States diin gibisita niya ang iyang anak, kang Bunny Paras.

Agig pag-welcome niya, siya mismo ang guest sa iyang program nga Good Times ug maoy mitubag sa 40 Forbidden Questions nga gibato ngadto niya sa iyang co-host nga sila si Mojo Jojo ug Maui Taylor.

Dugay kaayo nakatubag si Mo sa pangutana kun duna ba siyay nakadulog nga celebrity nga wala masayri sa publiko apan sa kadugayan miangkon ra siya ug gilitok ang ngalan ni Joyce Jimenez.

Gitug-an pod niya nga nagsukmagay sila ni RnB Prince Jay-R kaniadto dihang nasayran sa naulahi nga ka-date ni Mo ang uyab niini. Matud niya gi-warningan siya ni Jay-R nga dili na kadto sublion apan wala siya maminaw hinungdan nga nagkarambola sila apan okay na sila ni Jay-R ug naminyo na ang babaye nga nanimuyo na abroad.

Wala maka-perfect si Mo tungod kay mihunong siya dihang dunay nanawag paghuman niya og tubag sa ika 28 nga question may labot sa iyang pag-angkon labot ni Joyce Jimenez.