Chavit, inaresto sa cyberlibel
MANILA, Philippines — Dinampot ng Quezon City Police District (QCPD) si dating Ilocos Sur Gov. Luis “Chavit” Singson dahil sa kasong cyberlibel sa lungsod nitong Huwebes ng hapon.
Batay sa ulat, alas-1:18 ng hapon nitong Huwebes (June 11), inaresto ng mga operatiba ng Eastwood/Libis Police Station (PS 12) sa pamumuno ni P/Lt. Col. Maria Rosario Calusor si Singson, 84, sa kanyang tirahan sa Brgy. Ugong Norte, Quezon City.
Ang akusado ay may nakabinbing natitirang Warrant of Arrest (WOA) para sa paglabag sa Republic Act No. 10175, o mas kilala bilang Cybercrime Prevention Act of 2012, na inisyu ng Branch 21, Regional Trial Court (RTC), Vigan City.
Nasa kustodiya na ngayon ng PS 12 ang akusado para sa dokumentasyon at tamang disposisyon.
“The successful implementation of this warrant reflects QCPD’s unwavering commitment to the rule of law. We will continue to ensure that all court orders are carried out professionally, impartially, and in accordance with established legal procedures,” pahayag ni QCPD, director, PBGen Randy Glenn Silvio.
- Latest
