Strange Frequencies

CEBU, Philippines — Giatngan karon sa fans nila ni Enrique Gil ug Jane De Leon ang umaabot nga proyekto sa ilang mga idolo. Mag-uban  ang duha sa  upcoming 2024 Metro Manila Film Festival (MMFF) entry  nga  Strange Frequencies: Taiwan Killer Hospital. Adaptation kini sa Korean box office hit nga Gonjiam: Haunted Asylum  niadtong.2018. Nalakip pud sa maong pelikula sila si  Alexa Miro, Rob Gomez, MJ Lastimosa, Raf Pineda, ug Ryan “Zarckaroo” Azurin.

Miss Universe Panama 2024  mitingog na!

Mitingog na si Miss Universe Panama 2024 Italy Mora kalabot sa  wala niya pagpadayon sa 73rd Miss  Universe 2024 .

Suma pa ni  Mora nga giingnan siya nga dili na niya ipadayon  ang preparasyon  sa gala night sa  73rd Miss Universe sa Mexico City niadtong Nobiyembre  1, 2024.

Usa matud pa sa rason  ang wala  niya pagpahibalo  nga mohawa siya sa gi-assign nga hotel  room alang sa pag-makeup.

Matud pa sa maong beauty queen nga maistoryahan ra man gyud unta ang maong problema pinaagi sa malinawon nga dayalogo. Sa iyang  Instagram account, gipabuhagay niya ang iyang sentimento , gi-translate sa pipila ka pageant sites ang  post niya nga Espanyol ngadto sa English.

 "This event has been difficult to assimilate emotionally, especially because of the time, effort, resources and support of the people who made my preparation to represent my country possible.To my Panamanian citizens, I want to tell you that I have always proudly carried the commitment to represent Panama, and I deeply regret not being able to continue on this path towards the competition,”matud pa niya. Gihimakak usab niya ang nagkalain-laing taho nga nanggawas kalabot sa pagbiya niya sa maong indigay.

"With this statement, I also hope to clarify any false information that may be circulating about my departure and ask for respect and privacy as l go through this time,” niya pa.

Natuman na gyud

Espesyal ang pagsaulog ni Christine Bersola-Babao sa iyang 54th birthday  gumikan kay didto niya kini gihimo sa taod-taod na niya   nga gipangandoy  nga lugar, ang  South Korea . Mahiligon kaayo si Christine og mga K-Drama  busa ganahan siya og lugar nga dunay koneksyon sa iyang hilig. Kauban niya sa pagtikang sa South Korea  mao ang iyang bana nga si Julius Babao.

Tak-om lang

Gipasagdan lang ni Anthony Jennings ang taod-taod na nga hungihong nga nagbuwag na sila sa iyang longtime non-showbiz girlfriend nga si  Jam Villanueva. Una na nga nga chismis kaniadto nga si Maris Racal ang third party sa ilang panagbuwag.   Kahinumdoman nga niulbo ang maong intriga human nag-post og mensahe sa social media ang uyab ni Anthony nga naghisgot  og pagpanglimbong sa usa ka relasyon.

Atty. Garduque  gipikhan ni Sandro

Dunay pasingit nga  mensahe  si Sandro Muhlach  ngadto kang Atty. Maggie Garduque  nga nagsilbing abogada sa duha ka GMA-7 independent contractors nga sila si Jojo Nones ug Richard Cruz kinsa gipasakaan niya og rape complaint.

Nasayran nga si Garduque   usab ang nagsilbing abogada  ni Rita Daniela nga nipadangat og reklamong “acts of lasciviousness” batok kang Archie Alemania.

 Tataw nga wala mahimout si Sandro sa pamahayag sa abogada sa usa ka interview  .

Gi-screenshot   ni Sandro  ang  material sa pamahayag ni Atty. Garduque nga  nagkanayon, “This is not easy for Rita. Any woman, it’s really hard for them to come out and magsabi ng mga ganitong krimen.”

Pinaagi sa caption ni Sandro, gisumbalik niya kini  ngadto kang Atty. Garduque.

 “Completely agree with you @attymaggie mahirap talaga mag come forward kaya victims and survivors should never be blamed or made to feel guilty for what happened to them. but wow, how ironic atty. that now you’re standing with a victim of an assault. Justice will prevail!,” ni Sandro pa.

“Hello, Love, Again” pasok sa Asian World Film Festival

Ang pelikula nila ni Alden Richards ug Kathry  Bernardo nga “Hello, Love, Again” kay usa sa mga pelikula nga ipasalida sa  Asian World Film Festival didto sa  Los Angeles.

Mosikad ang maong  film festival karong  Nobiyembre 13 pinaagi  sa South Korean drama film nga  “A Normal Family” , samtang  magsilbi nga closing film  mao ang  “Hello, Love, Again” karong Nobiyembre 20. Lakip sa ipasalida sa  Asian World Film Festival mao ang “Meeting with Pol Pot” (Cambodia),  “In the Mood for Love” (Hong Kong), “The Wrestler” (Bangladesh), “The Antique” (Georgia), “Twilight of the Warriors: Walled In” (Hong Kong), “Lost Ladies” (India), ug uban pa. 

Kadagkoan sa CFNSL napili na!

Ang bag-ong namugna nga Cebuano Filmmakers Network Sugboanong Lilas (CFNSL) aduna nay kadagkoan human sa ilang piniliay niadtong , Dominggo, Nobiyembre 3. Ang tanang 55 ka ginsakopan niini  kay hiniusang nipili ni Sam Costanilla isip presidente.

Ang CFNSL kay  pundok sa mga artista, mga magsusulat ug mga direktor sa mubong mga lilas (short films) sa Sugbo.

Ang ubang kadagkoan niini mao sila si Eli Manlangit (bise presidente), Lovely Cabrera (secretary), Chivas Nadela (treasurer) ug Doc Eli Tecson (auditor).

Mipasabot si Costanilla nga usa sa ilang unang himoon mao ang pagparehistro sa CFNSL sa Securities and Exchange Commission.