Carlos out na naman sa Alas Women
MANILA, Philippines — Hindi na naman makakalaro si Creamline star Tots Carlos para sa Alas Pilipinas.
Sinasabing hindi pinayagan ng Rebisco management, ang ang mother company ng Cool Smashers, si Carlos.
“She’s always been the one who we requested for us for the national team. But at the moment, she’s not there,” ani Brazilian coach Jorge Souza De Brito sa 25-anyos na three-time PVL MVP.
Pinaghahandaan ng mga Pinay spikers ang 2024 FIVB Women’s Volleyball Challenger Cup na nakatakda sa Hulyo 4 hanggang 7 sa Ninoy Aquino Stadium sa Manila.
Lalabanan ng Alas Pilipinas ang Vietnam sa isang do-or-die match sa knockout quarterfinals.
Nauna nang pinayagan ng Rebisco sina Carlos at Jema Galanza na sumama sa Alas Pilipinas pool.
“Rebisco will release something about this development soon,” ani De Brito. “What we’re expecting is to bring the guys who are really good at the same time.”
Bukod kina Carlos at Galanza ay idinagdag din sa national pool sina National University Lady Bulldogs stars Bella Belen at Alyssa Solomon at University of the East Lady Warriors standout Casiey Dongallo.
Nagmula ang Alas Pilipinas sa makasaysayang bronze medal finish sa nakaraang 2024 AVC Challenge Cup.
“The expectations are supposed to be always high so we have to work really hard,” ani De Brito.
- Latest