UST at FEU may misyon

MANILA, Philippines — Puntirya ng University of Santo Tomas at Far Eas­tern Uni­versity na masikwat ang korona sa women’s at men’s divisions ng 2024 V-League Collegiate Challenge.

Hahataw ang Game 2 ng best-of-three finals nga­yong araw sa PhilSports Arena sa Pasig City kung saan parehong hawak ng Golden Tigresses at Tamaraws ang 1-0 bentahe sa kani-kanilang serye.

Nakuha ng Golden Tig­resses ang Game 1 nang patumbahin ang Lady Ta­ma­raws, 25-22, 25-18, 25-14.

Magtutuos ang UST at FEU sa alas-5 ng hapon.

Pakay ng UST na walisin ang torneo at masungkit ang kanilang unang titulo sa liga sapul noong 2010.

Babanderahan ang UST nina Detdet Pepito, Jonna Perdido, Ange Po­yos at Regine Jurado.

“Talagang ineensayo namin ‘yang ganyang situation, ‘yang skills na ‘yan. Doon kami malakas, sa gano’ng part ng defense pattern namin,” ani UST head coach Kungfu Reyes.

Sa kabilang banda, ha­ngad ng FEU na makuha ang kanilang kauna-una­hang V-League title sa men’s division.