Generals tumusok ng quarters spot

MANILA, Philippines — Swak ang Emilio Aguinaldo College sa quarterfinal round matapos silatin ang paboritong Letran, 78-71, sa NCAA Season 102 men’s basketball tournament kahapon sa Playtime FilOil sa San Juan City.

Tangan ang 6-6, su­mos­yo ang Generals sa Arellano Chiefs, habang ka­hit natalo ay solo pa rin ng Knights ang liderato hawak ang 8-4 record.

Maliban sa panalo, si­nira ng EAC ang salubong ng Letran sa kanilang star guard na si Titing Manalili na hindi nakalaro dahil sa right knee injury.

Nalimitahan si Manalili sa walong puntos, apat na rebounds, dalawang assists at dalawang steals para sa Knights.

Humakot si Jacob Sha­noda ng 16 points at wa­long rebounds para banderahan ang Generals.