11-anyos umigib sa ilog, nalunod

MANILA, Philippines — Patay ang isang batang lalaki nang malunod sa pag-igib ng tubig sa kalapit na ilog sa Tanay, Rizal, Huwebes ng hapon. Ang nasawing biktima ay isang 11-anyos na Grade 6 student, residente ng Sitio Waray, Barangay Plaza Aldea, Tanay.

Sa inisyal na ulat ng pulisya, alas-11:00 ng umaga ay nagpaalam ang biktima sa kanyang ina na mag-iigib ng tubig sa kalapit na ilog kasama ang isang kaibigan.

Bandang alas-3:10 ng hapon nang humingi ng saklolo ang 18-anyos na si alyas “Jomar” sa ama ng biktima hinggil sa nalulunod ito. Naiahon ang biktima at dinala ospital, subalit idineklarang dead-on-arrival.