BINI, moarangkada na sa Summer
Sonic Festival karong weekend
Andam na ang BINI nga ipakita ang kusog sa OPM ug P-pop didto sa Japan karong weekend alang sa 2026 Summer Sonic Festival, usa sa mga prestihiyosong music festival sa Asya.
Mopasundayag sila Aiah, Colet, Maloi, Gwen, Stacey, Mikha, Jhoanna ug Sheena sa Mountain Stage sa Expo ’70 Commemorative Park sa Osaka karong Biyernes, Agosto 14, gikan alas 2:40 hangtod alas 3:20 sa hapon, Japan Standard Time (JST).
Human sa Osaka, idalit sa grupo ang ilang hit songs ngadto sa Tokyo karong Domingo, Agosto 16. Mosaka sila sa entablado sa ZOZO Marine Stadium and Makuhari Messe gikan alas 3:30 hangtod alas 4:10 sa hapon, JST.
Ang Summer Sonic kay usa ka tinuig nga music festival nga ginahimo matag Agosto sa duha ka rehiyon sa Japan .
Gawas sa BINI, apil usab sa lineup ang Filipino-Japanese singer nga si Ena Mori ug ang giila nga Kings of P-pop nga SB19.
Samtang nagpadayon ang ilang international performances, nakadawat usab ang BINI og upat ka nominasyon sa 39th Awit Awards.
Lakip niini ang Best Performance by a Group ug Best Pop Recording alang sa “Shagidi,” Best R&B Recording alang sa “Katabi,” ug Best Global Collaboration alang sa “Blink Twice,” diin nakigtambayayong sila sa Indonesian singer nga si Agnez Mo.
- Latest
