BB, nag-second opinion sa bara sa puso!

Noong isang taon ay nakapagtapos si BB Gandanghari bilang Summa Cum Laude ng kursong Bachelor of Science in Entertainment Business Management sa Los Angeles Film School sa Amerika.

Nagdesisyong tapusin ni BB ang naturang kurso dahil na rin sa kanyang mga karanasan sa show business. “I take it with pride because it takes a lot of determination, hard work, discipline. And mind you, I’m also perfect attendance, no late. So I was really focused when I was doing it. And when I graduated with honors I was really proud of it. I think because of my background also as an actor.

“Eventually, parang I want to be a producer. I wanna be creating concepts and producing. But I want to direct also, I want to be a filmmaker. Meron na akong mga na-develop na concept. Meron na akong isang concept na nakikipag-usap sa producer already, finding fundings for it. I’m doing the route of a film independent filmmaking,” pagbabahagi ni BB sa amin sa Fast Talk with Boy Abunda.

Kung mabibigyan ng pagkakataon ay nangangarap si BB na makagawa ng isang proyekto sa Kapuso network bilang isang aktor. “Siyempre I’m more than willing. Hindi naman lahat pwede mong gawin on your own. We have really good directors now. And then siyempre gusto ko rin makatrabaho ang GMA. Ang gaganda ng mga teleseryeng nakikita ko dito. So I want to be a part of that also,” dagdag niya.

Mahigit dalawang buwan na sa Pilipinas si BB ngayon. Kinailangan niya umanong bumalik sa bansa dahil sa pinagdaanan sa kalusugan. “Unfortunately for health reasons. Sa America I was diagnosed with a cardiovascular condition. Nakita ang blockage sa puso. Then I was very emotional in the States. I was supposed to have an angiogram there and then go through the whole process. But I wasn’t sure, I don’t know if I’m too young for that. Kasi they want to put a stent on my heart already.

“Sabi ko babalik muna ako sa Pilipinas and have a second opinion over there. And I did that, I had my procedure last week for second opinion. During that whole process I changed my lifestyle, changed my diet. Also that’s the reason why I went to Iloilo to have that clear fresh air, to really relax, magpahinga. God is good. ‘Yung blockage na nakita sa akin sa America was diminished. So medyo bumaba ‘yung blockage. To the extent na I don’t need a stent for it,” pagdedetalye ni BB.

Samantala, nagbigay ng reaksyon si BB tungkol sa pagsusulong sa Senado ng kapatid na si Robin Padilla ng panukalang batas na pababain ang edad ng criminal responsibility. Matatandaang mainit na pinag-usapan kamakailan ang tungkol sa barilan sa isang eskwelahan sa Tacloban kung saan ay mga menor de edad ang sangkot sa insidente. “Sa America madaming ganyan, discussion din ‘yan sa America. Si Robin pumunta doon sa mga biktima then I went with him. Nagpunta kami sa burol ng mga bata. Nakausap namin ‘yung mga magulang, ‘yung mga narabil sa ospital, pinuntahan naming lahat ‘yon. So I saw the pain. ‘Yung krimen na nagawa ng isang 14-year-old. Pumatay siya ng mga bata. ‘Yung 10 years old na sinasabi naman ni Robin is para hindi idiin ang mga bata but to have a deterrent para matakot. Ikaw ay 10-year-old, 12 years old or 14 years old, mapapaisip ka. Kasi may mga ini-exploit ng matatanda, ginagamit ‘yung mga bata kasi alam nilang hindi makukulong,” paliwanag ng nakatatandang kapatid ni Robin. (Reports from JCC)