Canino ‘blessed’ na mapasama sa Alas
MANILA, Philippines — Masaya si Angel Canino ng De La Salle University na muli itong makapagsusuot ng national team jersey matapos mapasama sa listahan ng mga maglalaro sa Asian Games sa Setyembre sa Nagoya, Japan.
Kasama ang UAAP MVP sa 22 players na pinangalanan ng Philippine Olympic Committee (POC) para maging bahagi ng Alas Pilipinas sa Asian Games.
“I’m super grateful. Sobrang blessed ako na paglabas ng lineup I was part of it,” ani Canino.
Umaasa si Canino na magiging maayos na ang lagay ng Philippine volleyball sa bansa kung saan nanawagan ito ng pagkakaisa upang mas lalo pang umunlad ang programa para sa sport.
“Hopefully lahat ng mga mangyayari when it comes to Asian Games, hopefully mag in line ang bawat isa. Hopefully maging supportive tayo sa bawat isa,” dagdag pa ni Canino.
Hindi ito ang unang pagkakataon na masisilayan si Canino suot ang national team jersey dahil naglaro na rin ito sa mga nakalipas na torneo, partikular na sa 2025 Southeast Asian Games sa Thailand.
- Latest
