Duha ka most wanted nasikop sa Negros Oriental

CEBU, Philippines — Sikop ang duha ka lalake nga mag-uuma nga gikonsiderar nga Top 7 most wanted person regional level human gi-implementar ang ilang warrant of arrests sa kasong murder sa Barangay Nangka, Siyudad sa Bayawan, Probinsya sa Negros Oriental, Martes sa gabii, Enero 7, 2025.

Ang mga akusado mao sila si Arnel Gabasa Simbahon, 27 anyos, mag-uuma, nagpuyo sa sitio Wayang, Barangay Umod, Bayawan City ug si Rolen Paran Rusiana alyas Bagundol, 32-anyos, mag-uuma ug residente sa Barangay Villareal, Bayawan City.

Giimplementar sa Criminal Investigation and Detection Group(CIDG) Negros Oriental Provincial Field Unit ug 63rd SAC 6 SAB, RIU7-NORPIT ug PIU-NOPPO ang warrant of arrests batok sa duha.

Nagpahigayon sila og manhunt operation subay na sa Oplan Pagtugis sa CIDG nga miresulta sa pagkasikop sa duha ka mga akusado.  Si Hon. Maria Myla Rae Santos-Orden, Presiding Judge, Regional Trial Court Branch 63, Bayawan City, Negros Oriental ang nag-issue sa warrant of arrest penetsahan January 6, 2025 ug wala'y piyansa nga girekomendar.  MEL BANAT NEWS