Sound technician nakuhaag P9.1 milyong shabu
CEBU, Philippines — Nasakmit sa mga operatiba sa Police Drug Enforcement Unit-Provincial Intelligence Unit sa Bohol Police Provincial Office(BPPO) ang kapin usa ka kilo nga gidudahang shabu atol sa ilang operasyon sa Purok 7, Barangay Mariveles, Lungsod s Dauis, Probinsiya sa Bohol sa miaging Biyernes.
Nasakmit nila kini gikan kang Vicente Sarno alyas Inting, 41, taga Barangay Bahi, Lungsod Albuquerque, Bohol apan kasamtangan nga nagpuyo sa Purok 1, Totols , Lungsod sa Dauis.
Moabot sa 1,350 grams nga shabu ang sakmit sa mga operatiba nga nagkantidad og P9.1 million.
Sa impormasyon sa Bohol Police Provincial Office ang suspetsado usa ka high value individual ug dugay na nila nga gi-monitor.
Sound technician ang trabaho kaniadto sa dinakpan apan naundang ug karong bodegero matud pa og illegal nga drugas sa agalon niining napriso.
Kasong kalapasan sa Section 5 ug 11, Article II sa Republic Act 9165 ang ipasaka batok sa suspetsado.
Samtang nadakpan sa buybust operation nga gipahigayon sa mga sakop sa Municipal Drug Enforcement Unit (MDEU) sa Compostela Police Station ang giingong idlas nga drug pusher nga kanunay makaeskapo sa mga anti-drug operations nga gilusad batok kaniya.
Wala na makaugpo sa miaging Biyernes sa gabii Berne Castanares Avila alyas Ering diha sa Purok Anahaw, Magay sa Compostela nga nakuhaan og
23 gramos nga gituohang shabu ug usa ka kalibre .38 rebolber ug mga bala niini. IBM BANAT NEWS
- Latest
