^

Banat Palaro

Lancers ika-10 nga daog ang tirada

Emmanuel B. Villaruel - Banat

CEBU, Philippines — Puntirya sa reigning four-peat champions nga University of the Visayas (UV) Green Lancers ang ika-10 nilang kadaogan sa dihang ilang harongon ang University of the Philippines (UP) Cebu Fighting Maroons sa Cebu Schools Athletic Foundation, Inc. (CESAFI) Season 26 basketball tournament karong adlawa (Sabado, Nobyembre 21) sa UV-Main Gym.

Magsugod ang duwa sa alas 3:30 sa hapon.

Ang Lancers anaa karon sa ikaduhang puwesto sa college division uban ang 9-3 rekord ug ang laing daog makapalig-on sa ilang tinguha nga makaangkon og luna sa Top 2 nga dunay twice-to-beat advantage sa semifinals.

Ang Fighting Maroons nangiwit bitbit ang 2-10 nga baraha, tabla sa University of Southern Philippines Foundation (USPF) Panthers.

Base sa ilang unang panagsangka, paborito ang Lancers nga modaog human nila gilubong ang Fighting Maroons, 94-65, niadtong Septiyembre 13 nilang engkwentro.

Sa laing bugno sa seniors division, ang University of San Jose-Recoletos (USJ-R) Jaguars mosuway pagpahayag sa ilang misyon nga makasud sa Final Four sa dihang ilang atubangon ang USPF Panthers sa main game sa alas 5 sa hapon. Ang Jaguars, nga mipukan sa Panthers sa overtime, 62-59, sa miagi nilang panag-abot niadtong Septiyembre 27, anaa sa ikalimang dapit dala ang 7-5 rekord.

Sa juniors division, tumong sa five-time defending champions Sacred Heart School-Ateneo de Cebu (SHS-AdC) Magis Eagles nga inaton ang perpekto nilang kampanya ngadto sa 10-0 sa dihang ilang hamagon ang 7-3 nga USJ-R Jaguar Cubs sa alas 2 sa hapon.

Sa pasiunang aksiyon sa alas 10:30 sa buntag, ang 6-4 nga UV Baby Lancers maningkamot pagbuhi sa nagkaawop nilang paglaom nga makaabante sa Final Four sa dihang ilang sangkaon ang 2-8 nga San Roque College de Cebu (SRCDC) Greyhounds.

Tinguha usab sa USPF Baby Panthers nga inaton ang 4-5 nilang baraha sa dihang makigpinaksitay sila batok sa Don Bosco Greywolves sa alas 12:30 sa udto.

SPORTS

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with