^

Banat Balita

Gipaniguro sa pet crematorium operators nga husto ang ilang pagproseso

Jonnavie Villa - Banat

CEBU, Philippines — Gipaniguro sa pet crematorium operators sa Sugbo nga husto ug personal nilang giproseso ang mga patay’ng hayop nga gitugyan kanila alang sa cremation o aquamation, human sa kontrobersiya sa Bulacan diin nakit-an ang mga patay’ng iro ug iring nga gituohang ipa-cremate unta.

Atol sa regular session sa hunta probinsiyal kagahapon giklaro sa mga representante sa mga pet aftercare establishments ang ilang operasyon lakip na ang lugar diin gihimo ang cremation ug mga pamaagi aron masiguro nga ang hustong abo mabalik sa tag-iya.

Nahitabo kini human nadiskubrehan ang 29 ka patay’ng hayop nga gilangkuban sa 26 ka iro ug tulo ka iring ngadto sa usa ka bakanteng lote sa San Jose del Monte, Bulacan.

Gikatahong gitugyan kini sa Ahjay Paws Aftercare Pet Crematorium alang sa cremation apan wala maproseso matud sa reklamo sa mga tag-iya.

Matud sa tigpamaba sa Philippine National Police Police Colonel Allen Rae Co nga niabot sa 250 ka tawo ang nagpadayag sa ilang intention nga moreklamo batok sa maong crematorium diin gisusi usab sa mga otoridad ang insidente.

Sa pagpangutana ni Bokala Malcolm Sanchez, ang Golden Haven Pet Crematorium nipadayag nga gihimo ang ilang serbisyo sa pasilidad duol sa ilang memorial park sa Barangay Talamban niining siyudad.

 Ang Cebu Pet Aquamation usab nagkanayon nga in-house ang ilang operasyon sa Tisa, Labangon niining siyudad ug wala kini magpa-outsource sa laing establisemento.

Ang ilang package magsugod sa P7,500 lakip na ang aquamation ug memorabilia.

Samtang, giklaro sa Paws Heaven Pet Cremation nga anaa mismo sa ilang pasilidad sa Barangay Kalunasan ang ilang cremation machine.

 Nagtanyag sila og same-day cremation nga kasagarang molungtad og usa hangtud duha ka oras alang sa gagmay’ng breed sa hayop.

Ang serbisyo alang sa pet nga ubos sa lima ka kilo nagkantidad og P8,000 lakip niini ang memorabilia, chapel viewing ug cremation certificate.

Gipadayag sa Paws Heaven nga wala sila magpatuman og communal cremation ug gitugotan nila ang mga tag-iya nga motan-aw sa pipila ka bahin sa proseso.

 Mohatag usab sila og video nga nagpakita sa ilang binuhi nga isulod sa cremation chamber. (BANAT NEWS)

SUGBO

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with