Giannis, Thompson miagak sa Heat batok Pistons
CEBU, Philippines — Sila si Giannis Antetokounmpo ug Klay Thompson misidlak sa dihang gipayaka sa Miami Heat ang Detroit Pistons, 137-117, sa NBA kagahapong adlawa didto sa Kaseya Center sa Miami, Florida.
Si Antetokounmpo miharos og 34 puntos, 14 ka rebounds ug walo ka assists samtang si Thompson milansang og unom ka 3-pointers sa iyang 26 puntos alangt sa Heat, nga nagtangag na karon og 7-6 og baraha sa usa ka maanindot nga pagbangon human misugod sa ilang kampanya uban ang upat ka sagunson nga pildi. Mipaulbo si Cade Cunningham og 33 puntos apan wala mosaler ang impresibo niyang salida ning higayona kay ang Pistons natagak sa 8-4.
Sa Minneapolis, si Norman Powell mi-iskor og 23 puntos uban ang lima ka rebounds ug tulo ka assists samtang si Matas Buzelis mikadlit og 18 puntos sa dihang gipakuratan sa Chicago Bulls ang inilog nga Minnesota Timberwolves, 117-106.
Sila si Buddy Hield ug Tre Jones miamot og 16 puntos matag usa alang sa Bulls, nga miangkon sa ikatulo pa lamang nilang daog ning season.
Didto sa Cleveland, si Tyrese Proctor mirehistro og triple-double nga 24 puntos, 11 ka rebounds ug 10 ka assists aron aswaton ang Cavaliers ngadto sa 127-117 nga pagbugha sa Dallas Mavericks. Sila si Mario Hezonja ug Meleek Thomas nagkumboya'g 42 puntos alang sa Cavs nga nagkuport na karon og 7-7 rekord.
Sa laing bahin, si Nikola Jokic mipupo og 26 puntos, 10 ka assists ug walo ka rebounds samtang si Jamal Murray midugang og 23 puntos sa dihang gipaluhod sa Denver Nuggets ang New Orleans Pelicans, 116-108, aron bitaron ang ilang baraha ngadto sa 7-4.
- Latest















