Obligado ba ang mga heirs nga motuman sa contract of lease?
Dear Atty. Divine,
Ang akong inahan adunay farmland apan iya kining gipaabangan sud sa napulo ka tuig. Aduna pinirmahan nga Contract of Lease ang akong mama ug ang sa nag-abang niini. Niadtong miaging buwan, namatay ang akong mama. Plano karon namong mga heirs nga i-process ang pag-transfer sa kabilin ni mama lakip na ang yuta nga iyang gipaabangan. Ang uban nako nga mga igsuon nagtinguha sa pag terminate sa Contract of Lease. Ang akong pangutana kun mamahimo bang iterminate namo ang maong kontrata bisan kun aduna pay nahibiling lima ka tuig? Daghang salamat. -- Grace
* * *
Dear Grace,
Bisan kun patay na ang imong inahan nga maoy nagpirma sa Contract of Lease sa yuta, kamo isip mga heirs og sumusunod sa iyang kabilin, obligado kamo nga motuman sa kontrata nga gisudlan sa inyong inahan. Kinahanglan nga inyong tumanon og respetuhan ang kontrata nga gisudlan sa inyong inahan sa dihang siya buhi pa. Buot ipasabot nga dili ninyo basta-basta nga ma-terminate ang Contract of Lease gawas lang kun ang nag-abang niini napakyas sa pagbayad sa monthly obligations or kun ang nag-abang napakyas sa pagtuman sa mga terms and conditions sa maong kontrata nga mamahimong ground sa pag terminate sa kontrata. Thank you and God Bless! -- Atty. Divine
* * *
Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest















