^

Banat Balita

Suspetsado sa pagpusil patay sa cashier sa botika nailhan na

Romeo D. Marantal - Banat

CEBU, Philippines — Giklaro sa kapolisan nga crime of passion ang motibo sa pagpatay pinaagi sa pagpamusil sa usa ka 42-anyos nga cashier sa botika diha sa V. Rama Avenue corner Sun Valley, Barangay Calamba, Dakbayan sa Sugbo niadtong Martes sa buntag.

Matud ni Police Lieutenant Colonel Gerard Ace Pelare, deputy city director for operations sa Cebu City Police Office (CCPO) nga nailhan na sa mga imbestigador ang suspetsado nga kaniadto kauban sa trabaho sa biktima sa usa ka pharmacy.

Base sa inisyal nga imbestigasyon, kanhi security guard ang suspetsado samtang sales lady ang biktima.

Gikataho nga adunay relasyon kaniadto ang duha apan naputol kini tungod sa pipila ka isyu tali kanila.

Gituohang wala madawat sa suspetsado ang ilang panagbulag ug adunay mga panaglalis nga nahitabo tali kanila ug sa biktima.

Gibutyag ni Pelare nga gikatahong nakadawat na og mga hulga ang biktima sa wala pa kini pusila hinungdan nga gipalawman sa kapolisan ang imbestigasyon sa ilang kanhing relasyon.

Duha ka bala ang naigo sa ulo sa biktima ug usa duol sa iyang tangkugo.

Walay nakuha ang mga imbestigador nga basiyo sa bala diha sa lugar nga nahitaboan diin gituohan nga kalibre .38 nga revolver ang gigamit sa pagpamusil.

Matud usab ni Pelare nga aduna na’y naunang kaso ang suspetsado nga gikonsidera sa imbestigasyon.

Ang suspetsado padayon pa kini nga gipangita sa kapolisan. (BANAT NEWS)

DEAD

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with