^

Banat Palaro

D’Generals Basketball Season 5 Corporate Cup sugdan Nob. 15

Emmanuel B. Villaruel - Banat

CEBU, Philippines — Walo ka teams ang mopakita'g aksiyon sa D’Generals Basketball Club Season 5 Corporate Cup nga mosikad karong Domingo, Nobyembre 15, sa alas 5:30 sa hapon diha sa Aulga Citi Sports sa Barangay Lawaan 2, dakbayan sa Talisay.

Ang mga entranteng koponan mao ang MTC Coco, A.L. Solar Panel Installation Services, Chad’s Place, EZ Tattoo, ZB+ZB Design & Build, MCRI, Jayrubz Kicks ug NST Rubbermaster.

Magsubay ang torneyo og single round robin format diin ang Top 4 moabante sa semifinals. Ang mga mananaog maoy mag-abot sa kampiyonato.

Si D’Generals Basketball commissioner Cynizar Esconde mipadayag sa dako niyang pasalamat sa mga players, coaches, ug supporters tungod sa ilang padayong suporta ug kooperasyon nga nakatampo sa kalampusan sa miaging mga season.

Sa pagsulod sa liga sa ikalimang season, naglaum si Esconde nga mas mahimong malampuson, kompetitibo, ug halandumon ang kompetisyon.

Giawhag usab niya ang tanang partisipante nga magdula uban ang kadasig, magpakita og disiplina, ug magtinahuray sa sulod ug gawas sa korte.

“Let us work together to make this season another milestone for D’Generals Basketball,” matod ni Esconde.

BASKETBALL

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with