Pelikula ni Andrea, nag- world premiere sa London

Puwerting lipaya sa aktres nga si Andrea Brillantes gumikan kay gipasalida sa London ang iyang pelikulang “Laya” nga ubos sa Rein Entertainment.

Gipahigayon ang world premiere sa pelikula sa Rio Cinema niadtong Nobyembre 7 isip kabahin sa Women and the World International Film Festival (WWIFF) 2026.

Gitambongan mismo ni Andrea ang maong kalihokan.

Nalakip ang “Laya” sa Feature Fiction Competition ug bugtong entry gikan sa Pilipinas sa maong film festival nga makigtigi sa mga pelikula gikan sa Ukraine, Kazakhstan, Canada, Estados Unidos ug United Kingdom.