Anne, mokanta sa Cup of Joe Concert

Usa ang aktres nga si Anne Curtis sa mga  guest performer sa “Symphony” concert sa OPM band nga Cup of Joe nga mahitabo  karong  Disyembre 3 ug 4 sa Araneta Coliseum .Una nang gikumpirmar nga malakip  usab isip guest artists sa concert ang magsoon nga sila Paolo Benjamin ug Miguel Benjamin sa banda nga Ben&Ben..

Gikilig sa JeoLee

GIipalanog na kagahapon ang  bag-ong single nga “Tsaka Nalang” sa  OPM singer-songwriter nga si Zack Tabudlo . Nag-ugat kini sa makakilig nga karisma nila  Jeo Ong ug Gehlee Dangca sa “Pinoy Big Brother: Collab 3.0.” Nailhan karon isip “JeoLee” ang tandem nila Jeo ug Gehlee .

“The Art of Breaking Up”

Mosulay sa bag-ong hagit sa iyang karera ang aktres nga si Yen Santos human siya nangandam alang sa iyang unang pagsalmot  sa teatro pinaagi sa “The Art of Breaking Up.”Dalhon  niya ang karakter ni  Gab sa maong produksyon. Suma pa ni Yen nga wala gayud niya damha nga masulayan niya ang pag-arte sa entablado.