^

Police Metro

Law professor tumangging tumestigo sa VP Sara trial

Joy Cantos - Pang-masa
Law professor tumangging tumestigo sa VP Sara trial
Vice President Sara Duterte arrives at the Senate in Pasay City on July 7, 2026 to meet with members of her defense team ahead of the continuation of her impeachment trial.
The Philippine STAR / Ryan Baldemor

MANILA, Philippines — Tumanggi si dating University of St. La Salle (USLS) College of Law Dean Atty. Ralph Sarmiento na tumestigo para sa depensa ni Vice President Sara Duterte sa impeachment trial, na ikinagulat naman ni House Lead Prosecutor at Batangas Rep. Gerville Luistro.

Ipinaliwanag ni Sarmiento sa isang video sa social media na umatras siya at hiniling sa kampo ng bise presidente na bawiin ang hiling nitong subpoena (o hilingin sa Senado na bawiin ito kung naipalabas na).

Aniya, nais niyang mapanatili ang kanyang kalayaan at pagiging patas bilang isang constitutional law professor at legal analyst.

Kabilang si Sarmiento sa 25 ng defense team ni VP Sara na ihaharap sa paglilitis upang pasubalian ang Article II o unexplained wealth sa iniharap na kaso ng prosecution panel pero bago pa man ito maiprisinta ay tuluyan nang umatras.

Inaasahan sana siyang tumestigo sa Nobyembre 9 kaugnay sa Article II.

Sinabi ni Rep. Luistro na nagulat siya sa pag-atras ni Sarmiento, ngunit mas ikinagulat niya umano na hindi muna kinonsulta ng mga abogado ni VP Sara ang dating dean bago maghain ng mosyon sa korte para sa subpoena.

Ayon kay Luistro, kung hindi naman ituturing na “hostile witness” ang isang tao, dapat muna sana itong kinonsulta kung handa itong tumestigo bago maghain ng pormal na kahilingan.

Si Sarmiento ay una nang napili ng depensa upang magbigay ng pananaw sa mga legal at konstitusyonal na prinsipyo ng kaso.

SARA DUTERTE

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with