Unsay mahitabo kun di mabayran ang loan sa SSS?

Dear Atty. Divine,

Aduna koy loan sa Social Security System kon SSS, apan niadtong Agusto nawad-an ko og trabaho ug kini maoy hinungdan nga naputol ang akong pabayad niini. Hangtud karon, wa pa ko kakita og laing trabaho. Ang akong pangutana kun unsay mahitabo sa akong loan sa SSS kun dili nako kini mabayran sa gitakdang panahon sa pagbayad? Daghang salamat. -- Joseph

* * *

Dear Joseph,

Kun ikaw mapakyas sa pagbayad sa imong SSS loan human ka mawad-i og trabaho, hayan magpadayon ang monthly interest niini lakip na ang penalties hangtud nga kini ma fully paid.  Ug kIn pananglit aduna kay i-claim nga mga short term benefits sa SSS sama sa sickness, maternity, retirement Ug uban pang benepisyo, ang SSS automatic nga mo-deduct sa imong unpaid nga loan ngadto sa imong madawat nga claim sa SSS. Dili sab ka maka loan pag-usab samtang wa pa nimo mabayri ang imong previous loan, kinahanglan nga imo unang bayran ang tibuok loan, una ka maka loan pag-usab sa SSS. Hinuon, bisan kUn wa kay trabaho apan gusto ka nga mopadayon sa pagbayad sa imong loan, mamahimo sab kini nimong buhaton. Apan aduna say higayon nga ang SSS mo offer og amnesty sa mga unpaid loans nga diin ilang minusan ang total amount payable pinaagi sa pagtangtang sa penalties niini aron pag-encourage sa mga miembro sa pagbayad sa ilang loan. Thank you and God Bless!

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.