LTFRB, heightened alert sa balik Metro Manila na mga biyahero

MANILA, Philippines — Naka-heightened alert ang Land Transportation Franchising and Regulatory Board (LTFRB) sa buong bansa upang matiyak ang ligtas at maayos na biyahe ng milyun-milyong pasaherong babalik sa Metro Manila matapos ang Undas.
Ayon kay Acting LTFRB Chairman Greg Pua Jr., inatasan ang lahat ng regional offices na paigtingin ang pagbabantay sa mga terminal at transport hubs, kabilang ang random drug testing sa mga driver at inspeksyon sa mga bus at iba pang public utility vehicles (PUVs).
Mananatiling aktibo ang mahigit 80 help desk sa mga terminal upang tugunan ang mga reklamo ng pasahero, kabilang ang problema sa booking, diskuwento sa pamasahe, at kakulangan ng masasakyan. Samantala, nasa 1,200 bus ang pinagkalooban ng special permit upang makatulong sa pagdagsa ng mga biyahero.
Tiniyak ni Pua na magpapatuloy ang mahigpit na pagbabantay ng LTFRB hanggang sa maging normal ang daloy ng mga pasahero at operasyon sa mga terminal sa buong bansa.
- Latest















