9-anyos patay sa bangga ng van, babae sugatan

LUCENA CITY, Philippines — Humabol sa “Araw ng mga Patay” ang isang 9-anyos na batang lalaki habang nasugatan ang isang 30-anyos na babae matapos silang banggain ng isang closed van truck sa Quirino Highway, Barangay Sta. Cecilia, Tagkawayan, Quezon kamakalawa ng umaga.

Ayon sa tinanggap na ulat ni Quezon Police Provincial Office ( QPPO) Director PCol.Romulo Albacea, dakong alas-10:50 ng umaga ay naglalakad sa gilid ng kalye ang batang si Alvin at si Berna nang araruhin ng trak na patungong Bicol Region.                     

Ang tinamong malubhang pinsala ng bala sa ulo at katawan ang naging sanhi ng kanyang agarang kamatayan ng bata, habang isinugod sa Ma. L. Eleazar General Hospital si Berna na nagtamo ng bahagyang sugat.

Nasa kustodiya na ng Tagkawayan Municipal Police Station ang driver ng truck habang patuloy ang imbestigasyon sa insidente.