Gloc-9 ug GameZone , nag-collab sa  “Tara G!”

CEBU, Philippines — Gihimong musika sa OPM rap icon nga si Gloc-9 ang pamilyar nga panawagan sa mga Pilipino nga “Tara G!” pinaagi sa bag-ong kolaborasyon niini sa GameZone nga gilusad worldwide  kagahapon.

Ang kanta nga “Tara G!” nagdala sa mensahe sa panaghigalaay, panag-uban ug mga kasinatian nga kasagarang gipaambit sa mga Pilipino.

Nailhan si Gloc-9 sa iyang abilidad sa paghimo’g mga kanta nga naghisgot sa tinuod nga kinabuhi ug inadlaw-adlaw nga kasinatian sa mga Pilipino.

Pinaagi sa iyang talagsaong paagi sa pagsaysay og istorya, gihatagan niya og bag-ong kolor ang pulong nga “Tara G!” nga kasagarang madungog sa pagdapit sa mga higala, pamilya ug komunidad sa pag-uban sa usa ka kalihokan.

Dili lamang kini panawagan sa pagdula o paglaag, kondili simbolo usab sa panaghiusa ug higayon nga magkita ug magkauban ang mga tawo.

Kabahin usab sa kolaborasyon ang kampanyang “Tara G! Sama Tayo” sa GameZone, nga nagtumong sa pagpakita sa kamahinungdanon sa panag-uban sa mga Pilipino.

Suma pa ni Ava Castillo, tigpamaba sa GameZone, gihimo ang kolaborasyon aron mahatagan og mas lawom nga kahulogan ang kampanyang “Tara G! Sama Tayo” pinaagi sa musika.

“We wanted ‘Tara G! Sama Tayo.’ to be more than a campaign line. Music gives us a way to bring that invitation into Filipino culture in a form people can hear, share, and make their own. Gloc-9 was a natural collaborator because his storytelling has always been rooted in real Filipino experiences,” suma pa  ni Castillo.

Madungog ang Tara G!” worldwide  pinaagi sa Spotify, Apple Music, YouTube Music ug Deezer.