^

Banat Palaro

Cheetahs naglaraw nga makabawos sa Jaguars

Emmanuel B. Villaruel - Banat

CEBU, Philippines — Ang Benedicto College (BC) Cheetahs nagtinguha dili lamang pag-inat sa ilang labaw kondili ang pagpanimalos usab batok sa University of San Jose-Recoletos (USJ-R) Jaguars sa dihang mag-abot sila pag-usab sa Cebu Schools Athletic Foundation, Inc, (CESAFI) Season 26 basketball tournament karong adlawa (Sabado, Oktubre 24) sa Cebu Coliseum.

Ang Cheetahs, nga nag-una karon sa college division standings uban ang 8-1 rekord, nakatilaw sa una ug bugtong nilang pildi karong season sa mga kamot sa Jaguars, 62-60, sa overtime atol sa una nilang engkwentro tangkod usa ka bulan ang milabay.

Laraw sa BC nga makabawi sa maong kaparotan sa ilang pakigsangka batok sa 5-3 nga USJ-R sa alas 3:30 sa hapon.

Sa laing duwa sa college division, University of Cebu (UC) Webmasters buot nga usban og parot

ang  University of San Carlos (USC) Warriors sa dihang magbangga sila sa alas-5 sa hapon. Gipukan sa Webmasters ang Warriors, 81-63, sa unang hugna sa eliminasyon niadtong Septiyembre 10.

Ang Webmasters ug ang Warriors parehong nagbitbit og 5-4 nga baraha.

Sa high school division, ang reigning five-peat champion nga Sacred Heart School-Ateneo de Cebu (SHS-AdC) Magis Eagles ug ang University of Cebu Lapu-Lapu and Mandaue (UCLM) mosuway pagpadayon sa way pildi nilang ratsada.

Ang 5-0 nga Magis Eagles mosakbang batok sa 3-3 nga Cebu Eastern College (CEC) Dragons sa alas 10:30 sa buntag nga pasiunang duwa.

Samtang ang 6-0 nga UCLM makigpinaksitay sa 7-2 nga UC Junior Webmasters sa kulbahinam nga duwelo tali sa managsoong koponan.

Sa laing kumbati, ang 6-2 nga Cebu Institute of Technology-University (CIT-U) Junior Wildcats makigharong sa 1-4 nga University of Southern Philippines (USPF) Baby Panthers sa alas-2 sa hapon.

CESAFI

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with