ABS-CBN, mananatili sa Lopez!

Mananatiling Lopez-led ang ABS-CBN sa pagpasok ng bagong puhunan.

Inaprubahan kahapon, Miyerkules (Setyembre 30), ang pagpasok sa ABS-CBN ng bagong puhunan mula sa mga kumpanya ng pamilya Lopez at isang bagong mamumuhunan.

Tuloy ang paggawa at paghahatid ng ABS-CBN ng mga programa, pelikula, balita, musika, at iba pang kuwentong Pilipino sa iba’t ibang platforms.

Gagamitin ang bagong puhunan sa pagbuo ng bagong ABS-CBN, isang content company na nakikipagtulungan sa iba’t ibang partners para maihatid ang mga programa at kuwentong Pilipino sa mas maraming manonood.

Patuloy ang ABS-CBN sa paglilingkod sa mga Pilipino sa pamamagitan ng mga kuwentong nagbibigay saya, impormasyon at inspirasyon saan man sila nanonood.

Ito ang kabuuang statement ng ABS-CBN kahapon.

Kamakailan ay lumutang na diumano’y 60% ng ABS-CBN ay pag-aari ni Batangas Rep. Leandro Leviste.

Pero ngayon ay malinaw na kontrolado pa rin ito ng mga Lopez.