California Queen, Edge Of Glory kakasa sa Lakambini race
MANILA, Philippines — Magkakampihan ang California Queen at Edge Of Glory para lahukan ang 2026 PHILRACOM ‘Lakambini Stakes Race’ na ilalarga sa Metro Turf, Malvar - Tanauan City, Batangas sa darating na Linggo.
Sasakyan ni former Philippine Sportswriters Association, (PSA)- Jockey of the Year awardee John Alvin Guce ang California Queen habang nakatoka sa Edge Of Glory si JR De Ocampo, haharapin nila ang anim na mahuhusay na babaeng kabayo.
May distansyang 1,600 meter race, ang ibang kasali ay ang Confidence Surge, Eligant Ludrona, Gentle Dance, Malibu No Grey, My Oh My at Point Of Balance na gagabayan ni Jesus “Toypits” Guerra.
Ayon sa mga komento ng mga karerista sa social media, posibleng magpakitang gilas ang kalahok na Confidence Surge at Gentle Dance.
Lahat ng kalahaok ay kakargahin ang 53kgs. sa nasabing karera.
- Latest
