Eala gidayeg sa iyang patriyotismo

CEBU, Philippines — Ang desisyon ni Alex Eala nga moduwa alang sa Pilipinas sa Aichi-Nagoya 20th Asian Games bisan pa sa risgo nga masilutan siya sa Women’s Tennis Association (WTA) nagpakita sa dako niyang gugma sa yuta niyang natawhan, matud pa ni Philippine Olympic Committee (POC) President Abraham Tolentino.

“We can always say that Alex Eala is giving back to her country, to support the Filipinos in the country and wherever she competes. They have amazingly established that global ‘Eala Mania',” matud pa ni Tolentino.

“The WTA has its rules and breaking the rules has penalties,” he said. “But Alex will be in Nagoya, for flag and country.”

Ang tennis sa Asian Games mosikad sa Septiyembre 27 didto sa Higashiyama Park Tennis Center sa Nagoya ug nadungan kini sa China Open sa Beijing nga gikatakda gikan sa Septiyembre 30 hangtod Oktubre 11.

Mahimong masilotan si Eala tungod kay ang WTA 1000 event, sama sa upat ka Grand Slam nga mga torneyo, kinahanglan nga apilan sa mga magdudula nga anaa sa Top 30 sa kalibotan.

Lakip sa posibleng silot ang pagminus o paghatag og zero points sa world rankings, nga mahimong makapahinay sa pagsaka ni Eala padung sa giambisyonan niyang Top 10.

Dili mokumbati sa Nagoya si reigning Olympic champion ug Asian Games gold medalist Qinwen Zheng, ingon man ang kababayan niining si Wang Xinyu, nga silver medalist sa mixed doubles sa Paris Olympics.

Nakadaog si Eala og bronseng medalya sunod nilang Qinwen ug laing Chinese player nga si Zhu Lin sa Hangzhou Asian Games tulo ka tuig na ang milabay.

Sa laing pamahayag, si Philippine Sports Commission (PSC) chairman Patrick “Pato” Gregorio nagkanayon nga aduna na silay hugot nga koordinasyon nila ni Tolentino ug Philippine Tennis Association (PHILTA) secretary general Mayor John Rey Tiangco.

“They have informed me that the official request has already been submitted to the WTA. Rest assured of the PSC’s all-out support. We will continue to assist Alex, PHILTA, and the POC in every way we can,” dason pa ni Gregorio.

“Para sa bayan ito. Malinaw ito sa isip at puso ni Alex. That is why we admire and support her 100%. Alex is the epitome of a world-class Filipino athlete - atin po itong tularan. Para sa bayan, laging lalaban,” panapos pa ni Gregorio.