Mikay sa Pampanga, napili isip Queen Universe Philippines

CEBU, Philippines — Si Mikay Bautista sa Pampanga ang nakoronahan isip unang Queen Universe Philippines ug siya ang magsilbing representante sa Pilipinas sa international level sa Queen Universe sunod tuig.

Ang coronation night gipahigayon sa  Mactan Expo Center sa Dakbayan sa Lapu-Lapu niadtong Domingo sa gabii.

Samtang, si Maria Paula Vega Espina sa Cebu City maoy  nilangkat sa titulo nga  Queen Global Philippines, ug  si Yeng Lavitoria sa Tarlac City maoy Queen Grand Philippines.

Ang pambato sa Davao City nga si Shiela Magpale III maoy  first runner-up, gisundan ni ML Tucay sa Pangasinan isip second runner-up. Third runner-up si Vhanie Medalla sa Las Navas, Northern Samar; fourth runner-up si Iarth John Ranis sa Cagayan de Oro; fifth runner-up si Rojean Buhian sa Davao Province; ug sixth runner-up si Jam Sy Mallari sa Isabela.

Ang maong prestihiyosong indigay kay gipaluyohan  sa tang-an nga beauty queen nga si Jess Labares.

Una na nga gibutyag ni Labares nga lahi ang tumong sa Queen Universe Philippines tungod kay dili lamang kini naka-focus  sa korona ug titulo kondili sa pagpalambo sa mga adbokasiya nga makatabang sa komunidad pinaagi sa Queen Universe Philippines Foundation.

Dugang pa niya, ang organisasyon nagtinguha sa paghimo og mga programa nga adunay dakong  epekto sa katilingban. Pinaagi sa pagdumala ni Labares , ang foundation molusad  og livelihood programs ug uban pang inisyatiba nga makatabang sa komunidad aron mahimong mas malungtaron ug produktibo.

Alden nag-breakdown sa GGV

Nag-breakdown og dul-an 10 minutos ang aktor nga si Alden Richards atol sa paghisgot nila ni Vice Ganda kabahin sa iyang love life sa pilot episode sa “Gandang Gabi Vice.”

Sa maong episode, emosyonal nga gihisgotan ni Alden ang kabahin sa iyang mga heartbreak ug mga kaamgohan  sa kinabuhi. Matud ni Vice, grabe ang paghilak sa aktor maong nakaingon siya nga dili na unta ipadayon ang interview.

“That breakdown took almost 10 minutes. And parang ayaw ko ng ituloy yung interview kasi awang awa ako sa kanya. Grabe yung iyak nya. But he insisted to still continue. Haaaayyy!!! love you Alden!” suma pa ni Vice sa iyang post sa social media.

Mitubag usab si Alden sa post ni Vice nga nagkanayon, “Love you, Vice.”

Sa maong show, nahisgotan ni Alden ang dugay niya nga paghulat sa usa ka tawo , ingon man usab ang iyang pagkulang sa pagpangga sa iyang igsoun .

“Maybe, for a change, I’ll just wait for that person to come.For the longest time, I’ve been looking for love from another person, and I realized that what I was lacking was self-love. It took so long.I only realized it now,” saysay pa ni Alden  samtang naghilak.

Pangandoy ni Ashley, natuman na gyud!

Natuman  ang usa sa mga pangandoy sa  Kapuso star nga si Ashley Ortega pinaagi sa iyang papel sa umaabot nga pageant film nga “Red Crown.”

Suma pa ni Ashley nga usa sa mga papel nga wala pa niya masuwayan kaniadto mao ang pagka-beauty queen busa nalipay siya nga mahitabo na gyud kini sa bag-o niya nga proyekto . Pangandoy pud  sa iyang inahan nga moapil siya sa mga indigay  kaniadto . Sa pagsugod niya sa showbiz, mas nalingaw si Ashley sa pag-arte.

Vice , dunay panawagan sa kabatan-onan

Dili lamang hugyaw  nga performance ang gipakita ni Vice Ganda atol sa pagbukas sa UAAP Season 89. Naghatod usab siya og mensahe sa kabatan-onan nga mahimong aktibo sa mga isyu sa katilingban  ug motampo  sa pagkab-ot sa  maayong kaugmaon.

Gihangyo  ni Vice Ganda ang mga Gen Z nga dili magpakahilom sa mga panghitabo sa palibot . Iya kining giawhag nga gamiton ang ilang tingog ug impluwensiya alang sa positibong kausaban.

Matud niya, importante nga ang mga tawo magpuyo sa usa ka palibot nga maghatag kanila og kahigayonan nga molampos.

Iyang gipasabot nga ang kabatan-onan kinahanglan mopili og mga lider nga dili mangawat sa katawhan, ug tinuod nga motubag sa ilang mga panginahanglan. Nanawagan usab ang komedyanteng TV host sa publiko nga mahimong maampingon ug kinahanglan mopili og tarong nga  mga lider sa nasud.

Simple wedding

Gipadayag sa aktres nga si Cristine Reyes nga gusto niya og simple lang sa higayon nga magpakasal  na sila sa iyang hinigugma nga si Gio Tingson. Kahinumdoman nga niadtong  Mayo ilang gipahibalo nga engaged na sila, ug  wala pa sila maghisgot og dugang  detalye bahin sa ilang mga pagpangandam alang sa kasal.

Nakadaog sa Venice

Malampusong mibalik sa Venice International Film Festival ang bantugang Filipino filmmaker nga si Lav Diaz human nakadaog og Premio Brian o Brian Award ang iyang pelikulang “Makikiraan Po (Let Us Through, Dear Ancestors).”Ang maong kadaogan  nahimong dakong kalampusan alang kang Diaz sa iyang sorpresa nga pagbalik sa maong prestihiyosong film festival.

Filipiñana sa Oscars

Napili ang black comedy drama film nga “Filipiñana” isip opisyal nga entry sa Pilipinas alang sa Best International Feature Film category sa 2027 Oscars. Gipahibalo kini sa Film Academy of the Philippines (FAP) niadtong Domingo.Si  Rafael Manuel ang direktor ug writer sa  “Filipiñana” nga nagtuki sa sa istorya sa usa ka batan-ong babaye nga nagtrabaho sa golf course, nga gidala  sa aktres nga si Jorrybell Agoto.Gawas  sa “Filipiñana” adunay laing pelikula nga nagrepresentar sa Pilipinas sa umaabot nga Academy Awards, kini ang “58th” alang sa Best Documentary Feature ug “Agapito” alang sa Best Live Action Short Film.