Senado ‘di dapat makialam kina Marcoleta, Jinggoy
MANILA, Philippines — Iginiit ni Senator-Judge Panfilo “Ping” Lacson na hindi dapat makialam ang Senado at ang Impeachment Court sa pagsisikap nina Sen. Rodante Marcoleta at Sen. Jinggoy Estrada na makilahok sa impeachment trial laban kay Vice Pres. Sara Duterte, sa kabila ng kanilang pagkakakulong dahil sa kasong plunder.
Ayon kay Lacson, maaaring magmukhang nagbibigay ng undue pressure sa Sandiganbayan kung mismong Senado o Impeachment Court ang kikilos sa usapin.
“Pababayaan namin sa kanila ‘yan. Kasi ‘pag kami mismo nakialam, ‘di maganda ‘yan. Impeachment Court man o Senado, parang kami mag-aapela sa Sandiganbayan dahil kasamahan namin ang dalawa,” pahayag niya sa DZBB.
Sumulat si Marcoleta kay Senate President Sherwin Gatchalian at Presiding Officer Francis Escudero upang igiit ang kanyang karapatang bumoto bilang senator-judge kahit nakakulong. Samantala, ibinasura ng Sandiganbayan noong Hulyo ang kahilingan ni Estrada na dumalo sa impeachment trial.
Inaasahang boboto ang mga senator-judge sa motion for reconsideration ni Sen. Erwin Tulfo hinggil sa 16-boto o two-thirds-of-all-members na threshold para sa conviction.
- Latest
